Bosgarren izan da hamar urtez beheitiko mailan, erritmo klasikoan, hirugarrenarekin berdindua
Sei egunez, ordubete eta 15 minutuko gehi 30 segundoko partidak jokatu ditu (hiru eta lau ordu arteko partidak), erritmo klasikoan, espainiar estatuko hamar urtez beheitiko xakelari onenekin batera. Horien artean, bi aldiz munduko txapeldun izandako bat eta Europako txapeldun bat ziren.
Espainiako partida azkarren txapelketa abuztuaren 1ean eta 2an Murtzian
Erritmo klasikoan aritu ondotik, abuztuaren 1ean eta 2an Torre Pachecon (Murtzia, Espainia) jokatuko den partida azkarren Espainiako 10 urtez beheitiko txapelketan izanen da Julen Goia. Hemen ere bederatzi partida izanen ditu, baina denbora kontrolatuarekin (hamar minutu gehi bortz segundo). Modalitate hau hobekiago egokitzen zaio xakelari lesakarrari eta berriz ere goitiko postuetan ibiltzeko itxaropentsu joanen da Murtziara.
