Lizarietan ortzegunetik igandera bisita gidatuak
Bertzalde, Lizarietan ere bisita gidatuak eginen dituzte udan ortzegunetik igandera, 10:00etan eta 13:00etan. Interpretazio zentroaren inguruan, kultura, migrazioa eta usategiei buruz gehiago jakiteko aukera izanen da. Izena emateko (00 34) 621 23 97 56 edo (00 33) 659 29 78 82 telefonoetara deitu behar da.
Uztaileko eta abuztuko larunbat gauetan kontrabandisten bideetatik
Azkenik, uztaileko eta abuztuko larunbat arratsetan kontrabandisten bideetatik gaueko ibilbideak ere proposatuko dituzte, 21:00etan Etxalarko plazatik abiatuta. Zortzi kilometroko ibilaldia izanen da, hiru ordukoa eta guttienez lau lagun beharko dira (10 urtez goitikoak) ibilaldia egiteko. Hamar euro ordaindu beharko da. Guttienez egun bat lehenago deitu behar da 689 70 28 91 edo 948 63 51 66 telefonoetara. Linternak eta mendiko botak behar dira.