Uxuri Portu Crespo txirrindulari lesakarrak Espainiako trial txapelketan parte hartu zuen igandean Lizarran, Nafarroako selekzioko kide bezala.Txapelketa hasi aitzinetik euria hasi zen gogotik eta euripean lehiatu behar izan zuten, zirkuitua hagitz arriskutsu batean. Lehia estu baten ondotik Uxuri Portuk garaipena lortu zuen, Espainiako txapeldun bihurtuz U13 kategorian, hau da, 13 urtez beheitiko nesken kategorian.
Honela, uztail hondarrean Lausanan, Suitzan, jokatuko den gazteen munduko txapelketarako txartela lortu zuen Portuk eta bertan Espainiako selekzioarekin taldekako proban parte hartzeko aukera izanen du.
