Errandonea saileko hirugarren eleberria da ¡Al rescate de Baroja!. Lamiñarra argitaletxearekin atera du.
Idazleak erran duenez, «irakurleek 90 urte gibelera eginen dute liburuarekin, 1936raino. Hala, Gerra Zibilaren (1936-1939) hastapenetaraino ailegatuko dira eta Mola jeneral frankistaren konspirazioak hurbiletik ikusteko aukera edukiko dute; baita Madril, Iruñea eta Berako gerrako lehenbiziko egunetako gertaerak ezagutzeko ere. Gisa berean, Pio Barojak 1936ko uztailaren 22ko arratsalde-gauean heriotzatik ihes egitea nola lortu zuen ezagutzeko aukera izanen dute irakurleek, arima lakartuta zuen jendez betetako testuinguru batean. Aitzineko eleberrietan bezala, Errandonea tenienteak lan ordainezina eginen du aldi honetan ere».