Lesakako XI. Nazioarteko Xake Aktibo Txapelketa jokatu zen ekainaren 20an, aurtengoan Beti Gaztek antolatua Javier Oiartzabal Altzugarairen oroimenez, Lesakako Udalaren, Hondarribiko Marlaxka xake taldearen, Gros xake taldearen eta bertze zenbait erakunderen laguntzarekin. Denera, 60 jokalari baino gehiago bildu ziren larunbat goizean Lesakako udal pilotalekuan. Horien artean, Andres Iglesias izan zen irabazle, Jose Angel Rodriguez bigarren eta Oier Sarasketa hirugarren. Hiru xakelari hauek berdindu egin dute puntuazioan eta zozketa bidez erabaki da sailkapena.
Horien artean, Andres Iglesias, Jose Angel Rodriguez eta Oier Sarasketa izan dira onenak
Bertze kategorietan, ELO 1601-1800 kategorian, Haritz Moreno izan zen irabazle; ELO sub1600 kategorian Joseba Otano; emakumeen artean, Saioa Iraizoz; 16 urtez beheitikoetan, Jon Merino eta Beti Gazteko bazkide onena Ion Etxebeste izan zen. Afizionatuen artean, berriz, Manuel Reyes izan zen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.