Gorrotoan, diskriminazioan eta indarkerian oinarritutako jarrerarik ez duela onartuko adierazi du Igantziko Udalak
Igantziko Udalak argi eta garbi adierazi nahi du «ez duela onartzen eta ez duela onartuko gorrotoan, diskriminazioan edo indarkerian oinarritutako jarrerarik». Udaletik bere elkartasun eta babes osoa helarazi nahi diete LGTBIQ+ kolektiboko kideei, herritar guziei bezala. «Era berean, gure konpromiso aktiboari eutsiko diogu sexu-orientazioagatik, identitateagatik edo genero-adierazpenagatik gertatzen den edozein eraso edo bazterkeriaren kontra egiteko».
Udalaren idatziaren arabera, «Igantzik herri segurua, librea eta anitza izan nahi du; pertsona oro beldurrik gabe, askatasun osoz eta duintasunez bizi ahal izateko. Erasoen aitzinean batasuna eta konpromisoa».