Ohi bezala, hamabi zubi zeharkatuko dituen lasterketa Lesakako Herriko Etxearen paretik abiatuko da eta bidean Arretxeko zubia, Koskillako zubia, Moxoren zubia, Periko zubia, Eskol Ttikiko zubia, Itturrunzubi, Antepasetako zubia, Espia zubia, Sumusa, Ekaitzako zubia, Bordieneko zubia eta Pintxeren zubia zeharkatuko ditu. Zarandian izanen du helmuga.
6 kilometroko proba nagusian parte hartu behar duten 16 urtetik goitikoek dagoeneko izena eman dezakete kronoak.com webgunean edo ondoan ageri den QR kodean sartuta. Gainontzekoek egunean bertan 10:00etatik aitzinera, Arretxeako Plazan. Ttikietatik infantiletara bitartekoek bi euro ordaindu beharko dituzte eta gainerakoek bortz euro.
Maila nagusiko eta jubenil (2007-2009) mailako korrikalariek 6.000 metroko ibilbidea izanen dute, juniorrek (2010-2013) 3.000 metrokoa, alebinek (2014-2015) 900 metrokoa, benjaminek (2016-2017) 450 metrokoa, aurrebenjaminek (2018-2020) 300 metrokoa eta ttikiek (2021tik honat jaiotakoak) 200 metrokoa.