Ekainaren 9an, gainera, Klima aldaketara egokitzea Nafarroan solasaldia emanen du Fernando Señar Beak, Nafarroako Klima Aldaketarako Bulegoko zuzendariak, Pello Apezetxea Kultur Etxean
LIFE-IP NAdapta-CC proiektuak, Nafarroako Gobernuko Landa Garapeneko eta Ingurumeneko Departamentuaren zuzendaritzapean, dibulgazio erakusketa ibiltari bat prestatu du herritarrentzat; bertan erakusten da zer jarduketa egin diren Nafarroan klima aldaketara egokitzeko.
Erakusketan hamar panel daude, gaztelaniaz, euskaraz eta ingelesez, eta honako helburu hau dauka: egungo klima errealitateari buruz kontzientziatzea, bai eta isurien agertokien ondoriozko etorkizuneko aurreikuspenei buruz ere; Nafarroak, Nafarroako Klima Aldaketaren Ibilbide Orriaren bidez (HCCN-KLINa), klima aldaketaren arloan daukan estrategia ezagutaraztea; eta erakustea zer jarduketa egin diren Europako proiektu integratu horretako sei eremu teknikoetan; honako hauek dira eremu horiek: klima aldaketa monitorizatzea eta tokiko klima ekintza, ura, basoak, nekazaritza eta abeltzaintza, osasuna eta azpiegiturak eta lurralde plangintza.