Zerbitzu anitzetako langilea kontratatzeko bidea hasi du Etxalarko Udalak. Uda honetan lanean aritzeko hartu nahi du, herriko langileari laguntzeko, eta bertzeak bertze, eraikuntzan, oihanean eta ingurumena mantentzeko lanetan aritzeko izanen da.
Interesa dutenek ekainaren 8ko 12:00 baino lehen aurkeztu beharko dituzte eskaerak, Herriko Etxean, edo erregistro elektronikoaren bitartez. Epe hori bukatuta, ondoko egunetan eginen dituzte hautaprobak.
Hautaprobak
Euskara maila titulu ofizialekin egiaztatzen ez duenak euskara proba egin beharko du. Ondotik, idatzizko proba gainditu beharko du, egin behar diren lanei eta herriaren inguruko ezagutzari buruzkoa. Eta horrekin batera, lan esperientzia kontuan izanen dute.