1974an sortu zen Ekaitz musika taldea eta hamar urtez plazaz plaza, bestaz besta ibili zen dantzaldiak egiten. Eta larunbatean, emanaldia egin zuten Arantzako plazan. Gregorio Mitxelena, Xatur Larralde eta Xalbador Madariaga aranztarrek, Txeslis Oroz eta Jabi Almandoz pasaitarrek eta Eneko Bengoetxea oreretarrak plaza ingurua girotu zuten. Errepertorio zabala prestatua eta entseatua zuten eta emanaldi ederra eskaini zuten.
