Dolu prozesu batetik abiatutako poema bilduma bat da, bi urtetan idatzitako poemekin ondua. Aitaren heriotzaren ondorengo bizitzaren nondik norakoetan arakatzen dute poemek. Doluan dagoen pertsona baten egunerokotasuna kontatzen du. Poema zuzendu, berridatzi, ordenatu eta izenburua pentsatzeko baliatu zuen Pikukobordako egonaldia.
Lesakako Pikukobordan egindako egonaldian ondu zuen poema liburua otsailean eta Maddi Ane Txoperena izanen du lagun 19:30ean liburutegian eginen duen aurkezpenean
Oihana Arana idazleak Zerua hemen liburua aurkeztuko du maiatzaren 21ean, ortzegunean 19:30ean Lesakako liburutegian. Egileak Maddi Ane Txoperena lagun izanen du aurkezpenean. Aipatzekoa da, Getariako eta Lesakako udalek bi herrietako ostatuetan idazketa egonaldiak laguntzen dituztela eta Eskoriatzako Oihana Arana Cardenal bere lana garatzeko otsailaren 2tik 7ra egon zen Lesakako Pikukobordan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun