Asier Gogortzak eta Jon Abrilek aurkeztutako proiektuaren helburu nagusia Bidasoak Bera eta Hondarribia-Hendaia artean duen tartearen toponimia ttikia biltzea da, «toponimia horrek eta toki horiek herritarrek ibaiarekin duten harremanaren lekuko, iradokitzen dutenaren argazki bilduma batekin osatuz». Gisa horretara, «galtzeko arriskuan dagoen toponimia berreskuratzea» dute helburu, eta aldi berean, «hitz-corpus bat biltzeaz gain, toponimia toki horrek biztanleentzat izan duen garrantzia edo erabilera jasotzeko» balioko lukeela diote. Hala, herritarren eta Bidasoaren arteko harremana «belaunaldiz belaunaldi nola aldatu» den aztertu nahi dute, «eta horretan sakondu, hari buruzko pertzepzioak eta ikusmoldeak bilduz».
Bertze bekaren irabazlea Francisco Marise eta Eider Rodriguezen Kafe kikara batean lana izan da. Beka bakoitzagatik 11.250 euro hartu dituzte.