Beti Gaztek txapelketa irekiaren hamaikagarren edizioa antolatu du ekainaren 20rako
Txapelketa Elo FIDErako baliagarria da, baina federatu gabeko jokorako ere gune bat prestatuko dute eta sariak zozketatuko dituzte. Izena emateko azken eguna ekainaren 17a izanen da. Horretarako posta elektronikoa bidali behar da torneosxake@gmail.com helbide elektronikora.
Ekainaren 20an, larunbatean 09:00etan izanen da hitzordua Lesakako udal pilotalekuan eta zazpi txanda jokatuko dituzte. Sari banaketa 14:10ean eginen dute. Lehen sailkatuak 200 euro eta garaikurra irabaziko ditu, bigarrenak 125 euro eta garaikurra eta hirugarrenak 75 euro eta garaikurra. Kategoriaren araberako bertze sari bereziak ere izanen dira. Araudia, izen-emateak eta informazio gehiago www.betigazte.net webgunean.