Zehazki, Kanttonzabalen barrena Matzadako errekastora euri urak eramateko drainatze hodiak berrituko dituzte eta obrek 263.150,42 euroko aurrekontua izanen dute. Europako Batasuneko Next Generation funtsekin finantzatuko dute. Lanak Sasoi Eraikuntzak enpresa ari da egiten.
Bidenabar, Berako Udalak oroitarazi du lan horiek «zuzenean» eragiten diotela Altzateko obren ondorioz egin den behin-behineko desbideratzeari. «Matzadako obra horien garapena eta desbideratzearen trafikoa uztartzeko neurriak» hartuko dituztela gaineratu du. Udalak zehaztu duenez, neurri horiek «behar bezala seinaleztatuak» izanen dira, «trafikoari ahalik eta eragozpen guttien eragiteko».