Lanik onenak bozkatzeko aukera ere izanen da
Horretarako, erakusketak irauten duen bitartean, bertan, Lesakan sortuek edo bertan erroldatuak direnek bozkatzeko aukera izanen dute aipatutako egunetan. Kartel eta azal irabazleek 250na euro eramanen dituzte eta herriko ikastetxeetan ari diren neska-mutikoek aurkeztutako gibeleko azalerako lanen artean bozkatuenak eskolako materiala erosteko 100 euroko bonua. Lesakako Udala jabetuko da lan sarituez eta bertzeak itzuli eginen ditu.
Denera, kartel lehiaketara sei lan aurkeztu dituzte, programaren azal lehiaketara bortz lan eta gibeleko azal lehiaketara 133 marrazki.