Nafarroako Kirol Jokoen barrenean, bigarren faseko nesken eskuz binakako pilota txapelketako finalak jokatu dituzte larunbat honetan Iruñeko Labrit pilotalekuan. Eskualdeko hainbat pilotari ari ziren, gehienak Lesakako Arkupe pilota elkartekoak. Batzuk irabazle suertatu ziren eta bertzeak galtzaile.
Alebin mailan, Arkupeko Maddi Iratzoki igantziarrak eta Eneritz Muñoa lesakarrak 18-8 irabazi zieten Berriozaro Monleoni eta Ruizi.
Infantil mailan, Arkupeko Ainara Hita eta Joana Iratzoki igantziarrek 18-15 irabazi zieten Ados pilota elkarteko Vidani eta Baleztenari.
Jubenil mailan, azkenik, Arkupeko Amaiur eta Ainize Martinez ahizpek 14-22 galdu zuten Oberenako Gomezen eta Cresporen kontra.
