Liburuaren Nazioarteko Egunaren harira eginen dute aurkezpena ortziralean 19:00etan Pello Apezetxea Kulturgunean
Pasa den urtean Etxalarren egindako egonaldiaren ondotik sortutako ipuina da. Udalbiltzaren Geuretik Sortuak egitasmoak euskara hutsean egindako artearen eta kulturaren sormena, ekoizpena eta hedapena sustatzen ditu. Ikasturte honetan hirugarren edizioa du eta 30 lan sortu dituzte Geuretik Sortuak bekari esker.
Lan horietako bat Goiz Eder Iturain antzerkigile eta idazle zumaiarrak Bortzirietako lau herritan oinarritutako Etxe dotore aunitz ipuina izan da. Herrietako eraikinak, etxeak eta barreneko bizikide eta istorioen jakin-min horrekin abiatu zuen lana eta Arantza, Bera, Etxalar eta Lesakan ibili ondotik sortu du.