Haurren proba larunbatean 12:30ean hasiko da eta helduena 15:30ean
Igantziko VII. Mendi Duatloia eginen dute apirilaren 25ean. Urtero bezala, adin guztietako emakume nahiz gizasemeek izanen dute parte hartzeko aukera, banaka edo binaka. Aurten froga Baztan-Bidasoko Duatloi txapelketarako puntuagarria izanen da. Haurrek larunbatean 12:30ean izanen dute beraien froga (Izen ematea 11:45etik 12:15era). 15:30ean izanen da helduen txanda.
Lasterketa banaka eta binaka egiten ahalko da. Bikoteen kasuan, gizonezkoenak, emakumezkoenak edo mistoak izan daiezke. Aurten 16 urte beteak izan beharko dituzten parte hartzaileek, hasteko, 2,6 kilometroko zirkuituari bi buelta eman beharko dizkiote lasterka, ondotik 20 kilometro egin beharko dituzte mendiko bizikletarekin eta bukatzeko 2,6 kilometro lasterka.
Lasterketaren ondotik laguntzaileek emandako oparien zozketa eta banaketa eginen dute eta, segidan, luntx ederra izanen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.