Atzo, igandea, minbiziaren ikerketarako dirua biltzeko ongintza kontzertua egin zuten Beran. Emanaldira bertaratutakoen artean borondatea bildu zuten eta denera 2.571 euro bildu zituzten Navarrabiomed ikerketa zentroarentzako. Dirua biltzeko kontu korronte bat ere ireki dute eta beraz, litekeena da diru gehiago bildu izana.
Gandeia taldeak antolatu zuen emanaldia eta oholtza gainean Berako Abesbatza, Raquel Andueza sopranoa eta Josune Cordoba, Amaia Cordoba, Ion Irazoki, Aritz Estibez eta Beñat Olaizola musikariak aritu ziren.
Jende aunitz bildu zen kontzertura eta emanaldia minbizia duten zein izan duten norbanakoei eskaini zieten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.