Oiasso Boskotearen kontzertua izanen da larunbatean Beran

Ttipi-Ttapa 2026ko martxoaren 19a

Oiasso boskotearen hari orkestraren kontzertua 19:00etan izanen da. Argazkia: Aiurri.

Bizitzaren harian izeneko emanaldian «atzoko eta gaurko» euskal konpositoreen piezak joko ditu Oiasso Boskotea hari orkestrak. Emanaldia larunbatean, martxoaren 21ean, 19:00etan izanen da Kultur Etxean. Sarrera debalde izanen da. 

Biolina jotzen Tomas Ruti eta Maider Aizpurua ariko dira, biola jotzen Bittor Alkain, biolontxeloan Rebekka Riedel, kontrabaxuan Josean Gómez eta ahotzean Amaia Iturriagagoitia eta Irati Juan.

Euskal konpositoreen obrak joko dituzte emanaldian: 

  • Gabriel Olaizolaren Aurtxoa Seaskan.
  • Jesus Guridiren De Ronda Sabin Salaberriren moldaketarekin.
  • Eki Lamberten Itzuliño bat eta Pasabidea. 
  • Jesus Guridiren Amorosa Sabin Salaberriren moldaketarekin.
  • Jose Maria Usandizagaren Modere.
  • Valentin Larrearen Minuet eta Andante en Do mayor.
  • Francisco Escuderoren Hojas de Album
  • Jesus Guridiren Religiosa Sabin Salaberriren moldaketarekin. 
  • Elodie Baffalioren Iazko lorea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun