Aurten ibilbidean hiru aldaketa izanen dira: Usategieta eta Landagañeta artean, Langañeta eta Zumalku artean eta Itzea eta helmuga artean. Bada, aldaketa horiek ikusi eta ibilbide berria ezagutzeko hitzordua izanen da igandean. 08:45ean elkartuko dira Toki Onako aparkalekuan.
Korrikalari bakoitzari bere jatekoa eta edatekoa eramateko eskatu dio Manttale Mendi Lasterketa Taldeak. Ibilbidearen bukaeran dutxatzeko aukera izanen da kiroldegian 13:30ak arte.
Gehienez ere hiru ordu eta 45 minutuko denbora tartea izanen dute parte hartzaileek 21 kilometroak osatzeko.
Proba apirilaren 19an izanen da eta azken dortsalak oraindik ere eskuragarri daude hemen.