Haira Aizpurua saratarra eta Xabat Illarregi leitzarra ariko dira bertsotan Uraldea karrikan 19:30ean hasita. Bertsoak aditzeaz gain, Ikuilu eta Kataku ostatuetan pintxo bereziak paratuko dituzte.
Beratik asteartean pasatuko da Korrika eta Barraskilo Gazte Taldeak ere kilometroa izanen du Espidobaita elkartearekin batera. 06:11n hartuko dute lekukoa NA-8304 errepidean, Martiko enpresaren parean.