Sendaberri programaren eta Lesakako Ernatu Udaberriko dantza zikloaren barrenean, Harriondoa kultur etxean Qabalum dantza taldearen Zarata hori guztia lana ikusgai izanen da martxoaren 21ean, larunbatean 19:00etan (sarrera 6 eurotan salgai Lesakako Udalaren webgunean) eta La Banda Teatro Circoren Nuur ikuskizuna martxoaren 22an, igandean 18:00etan (Sarrerak 6 eurotan salgai Lesakako Udalaren webgunean.
Quabalum dantza taldearen ‘Zarata hori guztia’
Zarata guzti honetan, bi gorputz mugitu eta eraldatu egiten dira poesiaz beteriko irudiak sortuz, eszena batetik bertzera argiaren eta itzalaren artean salto egingo balute bezala. Dantza proiekzioekin eta ekintza laguntzen duen dron baten presentziarekin nahasten da, batzuetan gertuko izaki gisa eta bertze batzuetan inguratzen gaituen mundu teknologikoaren ikur gisa. Ia hutsik dagoen espazio batean, non dena posible den, mugimenduak denborari, argiari eta gure existitzeko moduari buruzko istorio bat marrazten du. Ikuskizun bisual eta zirraragarria, mundua beste leku batetik begiratzera gonbidatzen gaituena. Qabalum Iruñean jaiotako dantza garaikideko kolektiboa da, Lucia Burguetek eta Diego Pazók osatua, eta 150 emanaldi baino gehiago eta tailer ugari egin ditu Espainiako zein nazioarteko antzoki eta jaialdietan. Bere lanak gorputzaren aldeko apustua egiten du, eragile poetiko eta narratibo gisa, artisautza koreografiko zainduarekin eta zehaztasun eszeniko handiarekin.
La Banda Teatro Circoren ‘Nuur’
Nuur arima baten bidaia da, jaio eta jolasaren inozentzia zeharkatzen duena, emozioen bertigoa deskubrituz. Denboraren erritmo gupidagabeak gidaturik, existentziaren edertasun iragankorra aurkitzen du. Ikuskizun horretan, mugimenduak, musikak eta argiak istorioetan unibertsalena kontatzen dute: Gurea.