Arbolaren Eguna antolatu du berriz ere Lesakako Beti Gazte elkarteak, Irain eskolaren, Tantirumairu ikastolaren eta udalaren laguntzarekin. Martxoaren 7an, larunbatean, Gardelkopagoetako eremua garbitzera, piketeak sartzera eta zerrakurak egitera joanen dira. Ondotik hamaiketakoa izanen dute. Lehen egun honetan parte hartzeko mendi irteera antolatu dute larunbatean, 09:00etan Plaza Zaharretik abiatuta. Martxoaren 12an, ortzegun goizean, berriz, Irain eskolako eta Tantirumairu ikastolako ikasleak arbolak landatzera joanen dira, ikastetxeetatik txangoak eginez.
Larunbatean nahiz asteazkenean lagundu nahi duenak, aski du 10:00etan Gardelkopagoetara agertzea.