Alarma piztua zuten Berako Gure Txokoa elkartean. Azken urteetan zuzendaritza batzordearen kargu egon den taldeak utziko zuela aurreratu zuen urtarrilean egindako batzar orokorrean. Lehendabiziko batzar horretan ez zen hautagaitzarik aurkeztu, eta ezohiko batzarrera deitu zituzten bazkideak pasa den ortziralerako.
Bada, bigarren bileran zuzendaritzaren kargu egiteko talde bat aurkeztu zen Josetxo Sesek, Ganix Aguilarrek, Iñaki Ruizek, Haitz Telletxeak eta Unax Villameak osatua. Bilkuran ez zuten jakitera eman kargu banaketa nola eginen duten.
Elkarteko bazkideen interesa piztu zuen batzarrak, 55 bat lagun bildu baitziren Iamotenean.
