Beratik oinez, bide erdia autobusez eginda edo zuzenean autobusez joateko aukera egonen da igandean.
Beratik Goizuetara arteko bide dena oinez egin nahi dutenek 07:00etan izanen dute hitzordua Agerra Mendi Taldearen egoitzan, Berako Agerra auzoan. Handik abiatuko dira mendiz. Bide erdia oinez egin nahi dutenek, 08:15ean elkartu eta handik Lesakako Agiñara autobusez joanen dira eta han Beratik abiatutakoekin elkartu eta Goizueta arteko bidea oinez eginen dute. Bide dena autobusez egin nahi dutenek, berriz, hitzordua 11:00etan izanen dute Agerran.
Goizuetan denek elkarrekin bazkalduko dute Oxeguarda jatetxean, eta ilunabarrena Berara itzuliko dira autobusean.
Irteeran izen ematea bihar, ortzeguna, otsailaren 26a, bukatuko da eta Agerrako elkartean, agerramendi@gmail.com helbidean edo 666 85 80 40 zenbakira idatzita egiten ahal da. Egun osoko irteerak 30 euroko prezioa du.
Guttienez 30 laguneko taldea elkartu beharko da irteera egiteko.