Igandean Mallabian jokatutako Bizkaiko Irekiko lau partidetatik bi irabazi arren, ez du finalerako txartelik eskuratu
Pilota inklusiboaren festa handi bat izan zen igandean Mallabian, denera 20 partida jokatu zituzten eta maila bakoitzeko bi bikoterik onenek lortu zituzten finalerako txartelak. Adimen urritasuna dagokionean, Leire Esnal eta Erik Gaton arituko dira alde batetik eta Daniel Calviño-Jurdan Arakistain izanen dituzte aurkari. Gurpildun aulkian arituko direnak, berriz, Sergio Rodriguez-Edorta Anta eta Gaizka Fernandez-Beñat Lizaso izanen dira.
Joseba Lasak, German Elkororekin egin zuen bikote eta lehen partidan 3-12 galdu zuten Gaizka Fernandezen eta Beñat Lizasoren kontra; bigarrena ere 8-12 galdu egin zuten Sergio Rodriguezen eta Edorta Antaren kontra. Azken bi partidak irabazi egun zituzten, 12-8 Aingeru Senperenaren eta Gorka Alvarezen kontra eta 12-7 Manuel Quesadaren eta Sergio Rodriguezen kontra. Halere, bi garaipen horiek ez ziren aski izan Joseba Lasa finalerako sailkatzeko.