Kategoria horretako finalaz gain, emakumeen 500 kiloko jardunaldian ere lehiatuko da Lesakako taldea
Emakumeen 500 kiloko bigarren jardunaldia ere jokatuko dute Abadiñon. Hauek ligaxka moduan ari dira eta Beti Gazte, Ibarra, Txantrea, Abadiño, Berriozar, Badaiotz eta Antsoain lehiatuko dira.
Otsailaren 28an Txantrean jokatuko den azken jardunaldian erabakiko da emakumeen 500 kiloko txapela, baita gizonezkoen 560 kiloko txapelketa ere, hauek jardunaldi bakarrean.
Beti Gaztek, orain arte, aurten lortu dituen lau txapelekin, historikoki Euskal Herriko txapelketa nagusiko 48 txapel jantziak ditu dagoeneko. Lehena duela 30 urte, 1996an jantzi zuen. Beraz, oraindik banatzeko falta diren hiruetatik bi lortuko balitu, Euskal Herriko 50 txapelera ailegatuko litzateke Lesakako taldea. Zenbaki borobila.
Munduko txapelketan ere hamar txapel lortuak ditut klub moduan, baina aurten ez du martxoaren 11tik 15era Txina Taipein jokatuko den mundialean parte hartuko.