Inauteak 2026

[ARGAZKIAK] 105 zakuzahar ibili dira euripean Lesakan

Ttipi-Ttapa 2026ko otsailaren 16a

Lesakako inauterietako igandean protagonista nagusiak izaten dira zakuzaharrak (josten, zakuak betetzen eta bidean laguntzen izaten diren mairuekin batera). Atzo 105 zakuzahar nagusi ibili ziren euripean, inoiz baino gehiago seguruenik (iaz baino 20 gehiago), musika bandaren laguntzarekin. Ibilbidea ere, ez ohikoa izan zuten, normalean baino laburragoa, Albistur karrikako obrak direla eta. Aitzinetik, zakuzahar ttikiak ere ibili ziren, Lesakako trikitixa taldearen laguntzarekin, etorkizuna badela erakutsiz. Argazkiak: Juan Mari Ondikol

Astelehenean karrozak

Otsailaren 16an, astelehenean, eguerdi aldean mozorroak eta karrozak ibiliko dira herrian barna. 18:00etan dantzaldia Plaza Zaharrean Imanol Intxausti eta Iñigo Larrañagarekin. Fraindarrak, goizean Otsango eta Frain auzoetan barna baserriz baserri ibiliko dira eskean. Eguerdi aldera herrian barna eginen dute eskea.

Otsailaren 17an, asteartean, fraindarrak, goizean Izotzaldea auzoan barna baserriz baserri ibiliko dira eskean. Arratsaldean herrian barna eginen dituzte harat-honatak.

Gizartea Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun