Igantziko inauteetako asteburuan, etxez etxeko eskean ibili dira gazteak ortziralean eta larunbatean, musikarien laguntzarekin. Ortzirale arratsaldean guraso elkarteak antolatuta, dantzak, musika, jokoak, malabareak eta giro ederra izan zuten. Larunbat eguerdian, haurrak eskolan eta jubilatuak Baratzondon elkartu ziren bazkaltzera eta arratsaldean, Infernu DJ izan zen guraso elkartearen eskutik. Horrez gain, larunbat arratsaldean eta arratsean mozorro ikusgarriak plazaratu zituzten.
Asteburukoak pasatuta, ttikienek Ortzegun Gizeneko ospakizuna falta dute oraindik, inauteak borobiltzeko. Goizean, mozorroak soinean dituztela, eskolako neska-mutikoak etxez etxe eskean ibiliko dira: Haur Hezkuntzakoak herrian barna, Lehen Hezkuntzako 1. ziklokoak Piedade eta Frain auzoetan, 2. ziklokoak Sarrola eta Berrizaun auzoetan eta 3. ziklokoak Irrisarri auzoan eta bidean diren etxeetan. Arratsaldean guraso elkarteak merienda prestatuko du.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.