Lesakako Arkupe pilotazale elkarteak lau eta erdiaren barreneko eskuz banakako pilota txapelketa antolatu du hirugarren aldiz, Benito Tainta zenaren oroimenez. Bortz kategoriatan jokatuko dute: neskak (2008tik 2012ra jaioak), mutiko infantilak (2012-2013), mutiko kadeteak (2010-2011), mutil jubenilak (2008-2009) eta gizonezko nagusiak. Martxoaren 1era arte eman daiteke izena.
Kategoria bakoitzean 32 pilotari onartuko dituzte gehienez eta kanporaketa moduan jokatuko da. Apirilaren 19an hasita, neskak Sunbillan, mutiko infantilak Iruritan, mutiko kadeteak Lesakan eta jubenilak Donezteben ariko dira igande goizetan eta gizonezko nagusiak ortzegunetan Lesakako pilotalekuan. Finalak uztailaren 4an edo 11n jokatuko dituzte, Lesakako sanferminetan.
Izena martxoaren 1era bitarte eman daiteke, joseluistainta@gmail.com edo salaae@gmail.com helbide elektronikoetan. Izen emate orrian telefonoaren zenbakia eta posta elektroniko helbide bat jarri behar da.