[GUTUNA] Gure attari agurra

Inoiz ez genuen imajinatu
antzeko zerbait gerta zitekeela,
zu gabe hainen goiz
egunen batean geldituko ginela

Kamioia gustuko lanbide bezala
hartu zenuen oso gazte zinela,
Hala ba, lagun eta istorio aunitz
ekarri dizkizula ikus daitekeela

Mendian barrena ibiltzea ere
oroituko gara gustuko zenuela,
zuregan zeneukan bixitasuna
bertan ageri da islatu dela 

Indartsu, ausarta ta eskuzabala 
ez gara ahaztuko izan zarela,
Nork pentsa zezakeen 
hain gizon onik egoten ahal zela

Nola eskertu,
etorkizunerako aukera oparo eta horrela, 
Utzi zenizkigun ondarerik 
hoberenak izanen direla  

Erran dezakegu harrotasunez
zure seme-alabak bagarela,
Zorionekoak gu,
zu eta ama gisako bi badakigu ez dagoela

Ezin ukatu hutsune eta tristura ikaragarria
sentitzen ari garela,
Aita, senar eta lagun bikaina
argi dago ta izan zarela

Oroitzapen goxoen artean
esperantza egon daitekeela,
Horri eutsi behar eta
zer egin dezakegu bertzela

Bizitza honetan
egin beharrekoak egon badirela,
Zuk horiek guztiak bete izanik 
jakin lasai joan zaitezkeela 

Elkarrekin sortutako uneek
urte asko iraun dezatela,
Bortzok batera jarraituko dugu
zauden tokian zaudela.