Antzezlanak 1936ko altxamendu frankistatik abiatutako bidaia bat proposatzen du, memoria kolektiborako ariketa bat: mudantza baten erdian, zoriak bi nerabe eta euren izeba zaharra elkartuko ditu familiaren etxe zaharrean. Kutxaz kutxa, izebaren bizitzarekin lotutako sekretuz betetako altxorrak eta pasadizoak aurkituko dituzte. Nerabeek hasieran ez diote kasu handirik eginen, baina poliki-poliki ikusiko dute iraganeko istorio horiek zein bizirik dauden oraindik.
Xabi Payak idatzi du antzezlanaren gidoia eta Olatz Gorrotxategi da zuzendaria. Oholtza gainean Zelako ideiak konpainiako Miren Gojenola, Irene Hernando eta Gontzal Royuela ariko dira. Zazpi urtetik gorako haur eta helduentzako lana da.
Sarrerek lau euroko prezioa dute eta egunean bertan zein aitzinetik hemen erosi daitezke. Antzerki obrak, berriz, 55 minutuko iraupena iraupena izanen du.