Inudeak eta Artzainak antolatzen buru-belarri ari da Gure Txokoa Dantza Taldea, eta dagoeneko zabaldu du izena emateko epea. Galdetegi honen bidez egin beharko da.
Parte hartzaile denek eman beharko dute izena bai musikariek, bai konpartsako kidek eta baita dantzan aterako direnek ere. Hori ba, dantzarien kasuan, nahikoa izanen da bikote bakoitzeko galdetegi bakarra betetzea. Otsailaren 4an bukatuko da izena emateko epea.
Entseguak otsailaren 11n, asteartea, eta otsailaren 13an, ortziralea, izanen dira, 19:30ean, Eztegara frontoian. Bazkarirako txartela entseguen ondotik bakarrik lortu daiteke, eta entseguetan ordaindu beharko da. Otorduak 23 euroko prezioa du.
Altzate karrika itxita dago egiten ari diren lanengatik. Horregatik, aurten desfileak ezin izanen du ohiko ibilbidea egin. Ibilbideko aldaketen berri aitzinerago emanen dute.