Nafarroako XII. Trikiti Jaialdia urtarrilaren 31n eginen dute Lesakan

Ttipi-Ttapa 2026ko urtarrilaren 20a
Deskargatu Info Ahotsak :
Español English Français Català Galego

Hamargarren edizioan parte hartu zuten taldeetako bat, tartean Lesakako trikitixa taldekoak direla, Harriondoa kultur etxeko oholtzan.

Nafarroako Trikitixa elkarteak eta Lesakako Trikitixa Taldeak, Lesakako Udalaren eta bertze zenbait erakunderen laguntzarekin, Nafarroako XII. Trikiti Jaialdia antolatu dute. Jaialdia Harriondoa kultur etxean eginen dute urtarrilaren 31n, 17:30ean hasita. Lehen ere hainbat urtez Lesakan egin izan dute jaialdia, azkena 2024an. Jaialdirako sarrerak (12 eurotan) eta jaialdiaren ondotik Koxkontan eginen den afarirako txartelak (30 euro) salgai daude Lesakako Udalaren webgunean (www.lesaka.eus).

Jaialdirako eta Koxkontan eginen den afarirako sarrerak salgai daude dagoeneko

Hamabigarren edizioan parte hartuko duten trikitilari, pandero jotzaile eta musikariei dagokienez, Sine Die eta Irati Gutierrez, Zabale anaiak eta Lurdes Alkorta, Otxo eta Bahez, Nekane eta Maider Etxandi Almandoz ahizpak (sorpresaren batekin), Eneko Dorronsoro eta Itsaso Elizagoien eta Kanadako Jon Pilatzke igoko dira taula gainera. Irati Errandonea beratarra izanen da Euskal Telebistak grabatuko duen saioa aurkezten.

 

Kultura Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun