Lesakako Albistur karrikako obrak direla eta, urtarrilaren 21etik aitzinera semaforoak martxan paratuko dituzte eta trafikoa Antoiu karrikatik pasatuko da. Astegunetan, banaketan ari diren kamioiek eta kamionetek fabrikatik pasatu beharko dute. Asteburuetan kamioiendako pasabidea baimentzeko, aitzinetik herriko etxera deitu beharko dute.
Bortz hilabeteko epea duten Albistur karrikako lanen ondorioz, trafikoa Antoiu karrikatik pasatuko da
Ahal den neurrian, herrigunetik autoan ez pasatzeko eta oinez edo bizikletaz ibiltzeko aholkua eman du Lesakako herriko etxeak. Horrekin batera, Landazelaietan, osasun zentroaren, zahar etxearen eta suhiltzaileen parkearen gibeleko aldean, argazkian ageri den aparkalekua handi bat prestatu dute, ibilgailuak bertan utzi ahal izateko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.