Gizonezkoak, 640 kilotan, bigarren izan ziren Gasteizen eta bi kategoria hauetako Euskal Herriko sokatira txapelketako finalak larunbatean jokatuko dituzte Lesakan
Euskal Herriko goma gaineko sokatira txapelketako bigarren jardunaldia jokatu zuten larunbatean Gasteizko Abetxuko auzoan. Emakumeak 540 kiloko kategoriako bigarren jardunaldia zuten eta astebete lehenago Ezpeletan bezala, Beti Gaztek tiraldi guziak irabazi zituen, Ibarra izan zen bigarren eta Txantrea hirugarren (Ezpeletan Txantrea izan zen bigarren eta Ibarra hirugarren). Gauzak honela, urtarrilaren 24an Lesakan jokatuko den finalean txapela janzteko urrats polita emana du Lesakako taldeak. Izan ere, hamar puntu ditu sailkapenean eta, bigarren postuan, zazpina punturekin berdinduak daude Ibarra eta Txantrea. Finalean orain arteko puntuak kontuan hartzen direnez, Beti Gaztek txapelaren erdia eskura duela erran daiteke.
Emakumeen 560 kiloko bigarren jardunaldiaz gain, gizonezkoen 640 kiloko lehen jardunaldia ere jokatu zen Gasteizen. Kasu honetan, Ezpeletako Ñapurrak nagusitu zen, Beti Gazte bigarren izan zen eta Abadiño hirugarren. Gizonezkoetan sei talde ari dira eta denak izanen dira Lesakako finalean, baina kasu honetan, puntuazioa zerotik hasiko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.