Ia 300 lagun bildu ziren larunbatean Bardozen Xilabako bigarren final aitzinekoa aditzeko. Sei bertsolari aritu ziren kantuan: Aitor Servier, Irantzu Idoate, Karlos Aizpurua saratarra, Maddi Ane Txoperena lesakarra, Patxi Iriart eta Ramuntxo Christy. Ekhi Erremundegik aurkeztu zuen saioa.
Horrela gelditu zen sailkapena:
- Maddi Ane Txoperena: 562 puntu.
- Aitor Servier 546,5 puntu.
- Irantzu Idoate 539 puntu.
- Ramuntxo Chrsity 504 puntu.
- Patxi Iriart 502,5 puntu.
- Karlos Aizpurua 484,5 puntu.
Larunbateko saioaren ondotik, osatu da urtarrilaren 31n Donibane Lohizuneko Jai Alai frontoian bertsotan ariko den seikotea: Miren Artetxe, Maddalen Arzallus, Maddi Ane Txoperena, Aitor Servier, Irantzu Idoate eta Elixabat Etxandi.
Finalerako sartzeak eskuragarri daude www.bertsosarrerak.eus loturan. Sartzeak ez badira aitzinetik bukatuak, egunean berean 16:00etatik aitzina aukera izanen da lekuan berean erosteko.