Lesakako Udalak Lesaka ikergai duten 2025-2026 ikasturteko gradu eta master bukaerako lanak egiteko diru laguntza emanen du aurten ere. Deialdi honi 1.000 euro esleituko zaizkio, gehienez ere. Diru laguntza partida agortzearekin ez dira proiektu gehiago diruz lagunduko. Horretarako, balorazio batzordeak aurkeztutako proiektuen artean puntuazio gehien jaso duten 2 proiektuei diruz laguntzeko proposatuko du.
Aurkeztutako lanen artean, bi aukeratuko dituzte eta bakoitzari 500 euroko saria emanen diote. Euskarazko proiektuak bakarrik aurkeztu daitezke.
Azken urteetan bezala, aurten ere Lesaka ikergai duten ikasketa bukaerako lanak saritzeko asmoa du udalak. Horretarako deialdia irekia du dagoeneko eta otsailaren 15a izanen da horretarako azken eguna.
Parte hartzaileek hainbat baldintza bete beharko dituzte: Lesakan erroldatuta egotea, eta 2025-2026 ikasturtean ikasketetako azken kurtsoan matrikulatuta egotea.
Eskaria egitean, eginen duten proiektuaren edo lanaren memoria aurkeztu beharko dute, gehienez ere lau orrikoa. Laguntza jasotzen dutenek urtebeteko epea izanen dute lana aurkezteko eta Lesakako Udalarekin herritarren aitzinean egindako proiektu edo lana solasaldi batean aurkeztuko dute.
Deialdiaren inguruko informazio gehiago eta oinarriak hemen aurkitu daitezke.