18:00etan atera zen kabalkada Kanttonberri karrikatik, baina aitzinetik, laguntzaileak karrikaz karrika ibili ziren haurren gutunak biltzen, eta ondotik, erregeak lagun, zahar etxean izan ziren bertako egoiliarrak bisitatzen.
Kabalkadak ibilbide berria izan zuen, Altzateko lanak tarteko, Kanttonberrin hasi baitzen. Handik, Eztegara pasealekuan barrena, Herriko Etxeko plazara joan ziren Berako Musika Bandaren doinuak lagun. Bertan, jaiotza biziduna egin zuten haurrek.
Herriko Etxetik solasean aritu ziren hiru erregeak, eta ondotik, plazara jaitsi eta haurrekin solasean aritu ziren.