San Silvestre lasterketa berezia izan zuten Lesakan abenduaren 31n, Sarek antolatutako Bortzirietako elkartasun lasterketa. Inoiz baino jendetsuagoa izan zen, 200 korrikalari baino gehiagok parte hartu baitzuten, antolatzaileek prestatutako dortsalak agortuz. Garrantzitsuena parte hartzea eta elkartasuna adieraztea zen, horregatik ez da sailkapenik egiten, baina gizonezkoetan Beñat Saralegi eta emakumezkoetan Ane Elzaurdia izan ziren bizkorrenak.
Horretaz gain, lasterketaren ondotik, zenbait sari zozketatu zituzten. Bertzalde, urtarrilaren 6an, asteartean 12:30ean, 18 urte Etxeraino ekartzeko borrokan elkarretaratzea eginen dute Lesakan, Onin errekaren bueltan. Urtarrilaren 10ean Bilbon eginen den manifestaziora joateko deia ere egin du Etxerak eta autobusa antolatu dute Bortzirietatik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.