Lesakako Irain eskola publikoak, Lesakako Udalaren laguntzarekin komunikazio ez bortitzaren hastapenei buruzko solasaldia antolatu du abenduaren 18an, ortzegunean 17:00etan, Irain eskolako IkasNova gelan. Nerea Mendizabalek gidatuko du saioa, komunikazio ez bortitzeko hezitzailea eta psikopedagogian lizentziatuak eta zaintza zerbitzua izanen da.
Komunikazio ez bortitzeko hezitzailea eta psikopedagogian lizentziatua den Nerea Mendizabal izanen da hizlaria
Desadostasunak modu eraikitzailean kudeatzeko tresnak, harremanetan komunikazio osasuntsua lantzeko gakoak, zure zein bertzeen beharrak kontuan hartzen dituzten irtenbideak edo Marshall Rosenbergek sortutako Komunikazio Ez Bortitzaren KEB oinarriak izanen dira landuko dituzten gaiak, bertzeak bertze.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.