Irteeran parte hartu nahi dutenek bi aukera izanen dituzte. Lehenengo taldea 08:00etan aterako da Larhunera Altzateko plazatik. Bigarren taldea, berriz 08:40ean geldituko da Toki Ona Institutu pareko aparkalekuan eta handik kotxez joanen dira Landagainetara. Bertan, 09:00etan, herritik oinez abiatutakoekin elkartuko dira.
Larhungo tontorrean hamaiketakoa eginen dute Antxune bentan: arroltzeak, patatak, xolomoa, txistorra eta edatekoa izanen dituzte.
Hamaiketakoak 22 euroko prezioa du eta aitzinetik izena eman beharko da Purienean. Abenduaren 26a izanen da apuntatzeko azken eguna.