Igandean Mungian jokatutako finala izan da inoizko berdinduena, hiru lehenbizikoak 21 ehunekoren barrenean bukatu baitzuten lana
Euskal Herriko gizonezkoen txapelketako bi lehenbizikoak bi nafarrak izan ziren: Lur Gil Rey izan zen txapeldun (6.57.18) eta Luken Urtxegi Urra igantziarra bigarren (6.57.26). Beraz, 50 koxkor biltzeko lanean, zortzi ehunekorengatik ez zen txapeldun izan Urtxegi. Hirugarren sailkatua, Aritz Martin, ere ez zen urrun (6.57.39), txapeldunetik 21 ehunekora eta txapeldunordetik 13 ehunekora. Inoizko lehiarik estuena izan zen. Laugarren Mikel Aingeru Polancos izan zen (7.19.73) eta bosgarrena Xabier Ortiz de Zarate (7.23.13).
Emakumezkoetan, Ainhoa Etxegarai Elgorriaga beratarrak, azken hiru urteetako txapeldunak, ez zuen parte hartzerik izan eta horrek aunitz zabaldu zuen lehia. Sara Zapata Ortiz de Apodaka arabarra da Euskal Herriko txapeldun berria, lana zortzi minutuz beheiti egin zuen kirolari bakarra bera izan baitzen (7.49.41). Amaia Jimenez de Vicuña izan zen bigarren (8.06.82) eta Estibaliz Messeguer hirugarren (8.07.62). Maider Etxezabal izan zen bosgarren (8.16.12) eta Leire Larrazabal bosgarren (8.55.36).