Emakumeen Euskal Herriko 4x4 sokatira txapelketa irabazi du Beti Gaztek

Ttipi-Ttapa 2025eko abenduaren 15a

Beti Gazteko emakumeak txapeldun Euskal Herriko 4x4 sokatira txapelketan. Lesakarrekin batera, Txantrea eta Abadiño igo ziren podiumera. Argazkia: Potronko

Euskal Herriko 4x4 sokatira txapelketa azaroaren 30ean abiatu zen, Antsoainen jokatutako txapelketa mistoarekin. Txantrea izan zen txapeldun, Beti Gazte bigarren eta Abadiño hirugarren. Astebeteko atsedenaren ondotik, igande goizean jokatuko dute emakumeen txapelketa, hau ere Antsoainen. 250 kiloz beheitiko kategorian aritu dira zortzi laukote, eta Lesakako Beti Gazte jaun eta jabe izan da, tiraldi guziak irabaziz. Beti Gazte txapeldunaren ondotik, Txantrea izan da bigarren eta Abadiño B hirugarren. Laugarren postua Abadiño Ak eskuratu du, borzgarrena Antsoain Bk, seigarrena Araxesek, zazpigarrena Antsoain Ak eta zortzigarrena Amaiurrek.

Igande goizean Antsoainen jokatutako txapelketako tiraldi guziak irabazi zituzten eta datorren igandean Muruetan (Bizkaia) jokatuko da gizonezkoen txapelketa

Beti Gazteko laukote txapeldunean Irantzu Goienetxe, Onintza Zapiain (Bera), Naiara Otxoteko (Etxalar) eta Maria Iantzi (Igantzi) aritu dira tiran, Joxe Angel Mitxelena entrenatzaile eta Ruben Pedrosa laguntzaile zituztela.

Irantzu Goienetxe, Onintza Zapiain, Naiara Otxoteko eta Maria Iantzi tiran igandean Antsoainen, Joxe Angel Mitxelena entrenatzailearekin. Tiraldi guziak irabazi eta txapela lortu zuten.

Gizonezkoena abenduaren 21ean Muruetan

Euskal Herriko 4x4 sokatira txapelketa mistoa eta emakumeena erabaki ondotik, abenduaren 21ean, azkenik, gizonezkoen txapelketa jokatuko dute Muruetan (Bizkaian). 310 kiloz beheitiko kategorian hamar talde ariko dira. Beti Gazterekin batera, Zuraidek hiru talde aterako ditu, Ñapurrakek bi eta Ibarrak, Txantreak, Antsoainek eta Foruak bana.

Kirola Bortziriak Bera Etxalar Igantzi Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun