Gilkitxaro antzerki taldeak ‘Alperrak, tunanteak eta maleanteak’ antzezlana taularatuko du Arranon, 20:00etan
Lesakako Mairu Antzerki Tailerrak, Lesakako Udalaren eta Arrano elkartearen laguntzarekin antolatutako Keinu Leihoak antzerki zikloaren hogeita batgarren edizioko azken emanaldia izanen dute abenduaren 12an, ortziralean, 20:00etan, Arrano elkartean. Gilkitxaro antzerki taldeak Alperrak, tunanteak eta maleanteak taularatuko du.
Pili, Mili eta Willi exiliatutako hiru inurri dira. Normalitatera bidaia egin nahi izanen dute, derrigorrezko lanik ez dagoen lekura ihesaldia, ustezko paradisura, alegia. Baina normalitatea, formalitatea omen da, kondena. Hiru inurri hauek pertsonen bizimodua bikaina dela pentsatu izan dute beti. Ospa egindako intsektuek idealizatuta dute bi hanketako ugaztunen unibertsoa. Baina gizakion mundura iritsi bezain agudo aurreiritzi guztiak eroriko zaizkie.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.