Bortzirietako herri ekimenak antolatuta egin zuten ekitaldia, eta Zabalzaren senideekin batera, Bortzirietako udal ordezkariek eta herritar aunitzek parte hartu zuten. Nahia Senperrek egin zituen aurkezle lanak, eta Iñaki Egaña historialariak kasuari buruzko azalpenak eman zituen. Bertzeak bertze, Zabalza hil zutenek izan duten «inpunitatea» salatu zuen Egañak, baita bere burua Bidasora botaz eskapu egin zuela zioen bertsio ofiziala «gezurtatzeko» hainbat esplikazio eman ere. Ondotik, Gaizka Sarasolaren doinuak lagun, udal ordezkariek eta herritarrek lore eskaintza egin zuten Mikelen argazkiaren inguruan.
Autobus ibiltaria
Mikel Zabalzaren auziari buruzko autobus ibiltaria Bortzirietan da. Atzo Lesakan egin zuen geldialdia, eta gaur eta bihar Beran izanen da. Beran, bi egunetan, Iamoteneko aparkalekuan egonen da, 10:00etatik 13:00etara eta 16:00etatik 19:00etara.
