Igantziko Aste kulturala prestatu dute abenduaren 5etik 8ra

Ttipi-Ttapa 2025eko abenduaren 3a

Andoni Esparzak esklaboen trafikoan eta Igantziko Portzelana-erdiko fabrikan aritutako Martin Belarra Irisarri igantziarrari buruzko hitzaldia emanen du, Aste kulturala hasteko.

Abenduko zubia heldu da eta betiko moduan aurten ere aste kulturala ospatzeko tartea izanen dute Igantzin. Egitarau zabala prestatu dute Igantziko Dantza Taldeak, Igantziko Guraso Elkarteak, Igantziko Biltokik, Biltoki Ttikik, Baratzondo Elkarteak, Bortzirietako Euskara Mankomunitateak eta Igantziko Udalak antolatua.

Solasaldia, iturriak ezagutzeko ibilaldia, kantu bazkaria, dantza, antzerkia eta magia izanen dituzte, bertzeak bertze

Abenduaren 5ean, ortziralean 19:00etan Andoni Esparzak Eskolzarren eskainiko duen Martin Belarra Irisarri(1807-1878), esklaboen trafikoa eta Igantziko portzelana-erdiko fabrika solasaldiarekin hasiko da egitaraua.

Abenduaren 6an, Igantziko itturriak ezagutzen ibilaldia abiatuko da larunbatean 10:00etan eskolatik. Azalpenak Oskar Txoperenak emanen ditu. Ondotik, hamaiketakoa eskainiko dute. Egun berean, Biltokik antolatuta, 14:00etan kantu bazkaria izanen dute Baratzondo elkartean Beñat Mitxelena akordeoilariak lagunduta.

Abenduaren 7an, igande eguerdian, herriko dantzari ttikiak herrian ibiliko dira. 19:00etan, Baratzondon Milagros eta Valentina antzezlana eskainiko dute.

Abenduaren 8an, bingoa eta txokolatea izanen dituzte Biltokin astelehenean 16:00etan, eta Ekain Magoaren Hautsak harrotzen ikuskizuna Baratzondon, 19:00etan, publiko guzientzat.

Kultura Bortziriak Igantzi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun