Nafarroako gizonezkoen nahiz emakumezkoen sokatira txapelketako bigarren eta hondarreko jardunaldia azaroaren 22an, larunbatean 17:00etan hasita jokatuko dute Lesakako udal pilotalekuan. Gizonezkoak zortzinaka (620 kilo) eta emakumeak seinaka (390 kilo) ari dira lehian eta Antsoainen joan den igandean jokatutako lehenbiziko jardunaldiko tiraldi guztiak irabazi zituzten Beti Gazteko emakumeek nahiz gizonek. Etxean bi txapelak janzteko faborito dira, beraz.
Emakumezkoetan sei talde ari dira, bi eskualdekoak. Beti Gaztek tiraldi guztiak irabazi zituen Antsoainen; Amaiurrek, aldiz, guztiak galdu zituen. Beti Gazteren ondotik, bigarren izan zen Txantrea, hirugarren Berriozar, laugarren Araxes, bosgarren Antsoain eta seigarren Amaiur.
Gizonezkoetan, hiru talde bakarrik ari dira: Beti Gazte izan zen lehena Antsoainen, Berriozar bigarren eta Txantrea hirugarren
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.