Aunitzetan aipatu da euskararen indarberritzea noraez gisako batean dagoela, ez direla garairik hoberenak euskararentzat. Garikoitz Goikoetxeak eta Iñaki Iurrebasok, elkarrekin osatu duten liburuan, euskararen oraina eta geroa aztertu dituzte. Helduleku izan nahi du liburu honek, euskararen bilakaera eta egoera zein den ohartzeko tresna. Haien hitzetan, «begiak zabaltzeko ordua da, izan ere. Euskararen biharko ametsak esnatzea eskatzen baitu gaur».
Kultur egunak borobiltzeko, euskararen oraina eta geroa izanen dute hizpide ortziralean Arantzan. Garikoitz Goikoetxea bertan izanen da Iñaki Iurrebasorekin batera egin duen Esnatu ala hil liburua aurkezten. Solasaldia 19:00etan liburutegian izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun